火力強勁圍攻瓜德羅普 加拿大主演入球騷_東方日報

美洲金盃D組首仗，主辦國之一嘅加拿大迎戰弱旅瓜德羅普。加拿大足球近年進步神速，上屆金盃殺入4強，上年仲進身世盃決賽周，實力喺中北美洲已達一線水平，進攻火力足夠摧毀陪跑嘅瓜德羅普，3.5球入球大可以放心捧場。（無綫myTVSUPER周三早上7時直播）

中前場猛將如雲

加拿大今屆雖然未有派遣最強陣容出戰，艾方素戴維斯、約拿芬大衞等球星都冇入選，不過英格蘭籍領隊靴文貫徹主攻踢法，陣中亦有雷丁前鋒凱列特、波圖中場尤斯達基奧等星級戰將，火力有保證。加拿大喺近6場金盃分組賽，有5次總入球開4球或以上，主攻踢法明顯。

魚腩瓜德羅普戰鬥力不足，佢哋喺金盃決賽周已經連輸8場，今屆志在參與，面對任何球隊都唔會死守，瓜德羅普上屆3場分組賽都成功入波，顯示佢哋崇尚進攻，今仗亦唔會怕同加拿大鬥攻，3.5球入球大值得再追。