巴西盃：聖保羅贏住嚟踢歎細界_東方日報

巴西盃8強次回合，彭美拉斯主場迎戰聖保羅，雙方實力接近，聖保羅首回合僅小勝1比0，預料今仗作客會踢得更加保守，希望力保領先優勢晉級。以聖保羅近5仗總入球全開2球或以下嘅走勢，一於再追中位數2.5球嘅入球細。（周五早上7時開賽）

兩軍今季無論聯賽或盃賽，成績都旗鼓相當，首回合交鋒，聖保羅踢到82分鐘先至入波，險勝1比0，並冇明顯優勢可言，所以今仗作客應該會以保住領先局勢為前題，冇必要冒險爭勝。事實上，聖保羅近期大踢穩陣足球，自6月底0比1不敵高士路之後，近4仗都保持不失球，若然有心屯重兵防守，相信彭美拉斯難以攻破其大門。

彭美拉斯狀態下滑
至於彭美拉斯今仗非勝不可，但球隊狀態走下坡，近6場比賽僅1勝，包括上仗聯賽主場同另一支前列球隊法林明高打和1比1，中前場球員浪費唔少入波機會，今仗遇上防線滴水不漏嘅聖保羅，隨時又被「零封」，睇番雙方近6次對賽，亦有5次總入球開2球或以下，入球細值博。