歐國盃：芬蘭升呢下盤麥失良機_東方日報

今晚歐國外H組「北歐打吡」，芬蘭主場惡鬥丹麥。芬蘭向來喺歐洲僅屬二線尾球隊，但近年成績轉好，現時更於H組排榜首，今場同丹麥合演榜首大戰睇頭十足。丹麥今屆外圍賽作客成績一般，1和1負未贏過，仲要讓半一實在過分，芬蘭下盤要得過。（周一凌晨零時開賽）

以往北歐4國丹麥、瑞典、挪威及芬蘭，以芬蘭級數最低，不過自從利華古遜門將哈迪基彈起，防守升晒呢，球隊近4場分組賽全勝，對住斯洛文尼亞及北愛爾蘭呢啲同級對手均全取3分，啱啱亦以1比0小勝哈薩克，最重要係4場保持不失。

丹麥作客表現飄忽
丹麥今屆分組賽表現飄忽，日前主場大炒魚腩聖馬力諾4比0屬預料之內，但佢哋作客表現先令人擔憂，接連不敵哈薩克及打和斯洛文尼亞，如果計埋歐國聯，更加係連續3場作客不勝，已經未計佢哋喺世盃，離開主場3場只得1和2負。

雙方首輪交手，當時芬蘭作客輸1比3，不過佢哋主場特醒，近兩仗全勝轟入8球兼零失球，榜首大戰有望藉地利喺丹麥身上搶分，各袋1分保持2分距離固然好，贏埋就更理想，讓球盤受讓半一極之抵玩。