世南美：巴西踢法搶韁半W有計_東方日報

聽日凌晨同朝早會上演多場世盃南美洲區外圍賽，免費電視有兩場直播，就一次過講晒兩場。壓軸有秘魯主場對巴西，巴西同阿根廷一向喺南美洲一支獨秀，上屆世盃外17戰14勝3和，而且佢哋近3次鬥秘魯全部半場領先，今場推介半場客勝。（HoyTV77周三早上10時直播）

咁多年以嚟，巴西同阿根廷都爭做南美甚至世界一哥，球隊實力比其他南美球隊高一截，上屆世盃外17戰14勝3和，從未輸波，今屆亦有個好開始，憑尼馬梅開二度，主場以5比1大勝玻利維亞，今場肯定會乘勝追擊。秘魯首場世盃外只能同巴拉圭互交白卷，而且近年鬥「森林兵團」輸多贏少，近3次交手更全部半場已經落後，今場巴西半場客勝穩開。

智利哥倫比亞以和為貴
另一場早少少開波嘅，有智利主場對哥倫比亞。智利同哥倫比亞上屆都未能進身世盃決賽周，但今屆南美洲增至6席及一席附加賽，呢兩支上屆外圍賽排第6同第7嘅球隊，只要把握機會，有望喺下屆決賽周亮相。智利外圍賽首戰作客以1比3不敵烏拉圭，而哥倫比亞則以1比0小勝委內瑞拉，兩軍實力相若，而且近5次對賽和咗4次，今場和波機會高，賠率低過3倍已見端倪。（HoyTV76周三早上8時30分直播）