英超：艾蘭加爭氣脫魔重生_東方日報

时间：2023-09-18 17:01　|　作者：足球帝　|　来源: 网络我要分享

出身自曼聯青訓嘅艾蘭加（圖）今季轉投森林，呢位21歲翼鋒大踢爭氣波，其中「扭波距離」更屬英超首位，曼聯依家鬧「翼鋒荒」情況下，唔知有冇後悔賣走佢。

艾蘭加今季4場英超都只係後備入替，但佢喺有限時間交足貨，對阿仙奴帶足半場後貢獻助攻，上輪對車路士更入波為球隊奠勝，森林領隊谷巴話：「我哋正正需要呢啲對比賽充滿飢渴嘅年輕球員，我肯定艾蘭加會係森林非常重要嘅一員。」

推扭數據排英超第一
英超公布頭4輪聯賽數據，艾蘭加平均每次扭波嘅推進距離達到14.4米，比第二位狼隊嘅馬菲奧斯根夏多1.2米，呢位瑞典國腳經常狂爆對手防線炮製入波，勢成森林反擊最強武器。

本站系本网采集转载，转载目的在于传递更多信息，并不代表本网赞同其观点和对其真实性负责。如涉及作品内容、版权和其它问题，请在三十日内与本网联系，我们将在第一时间删除内容