歐國盃：克羅地亞勢勇速擒土耳其_東方日報

歐國外D組榜首戰，克羅地亞主場火併土耳其，「格仔軍團」今年強勢持續，小組4戰3勝1和保持不敗，包括今年初作客2比0擊敗土耳其，今仗返主場再對手下敗將更有把握，加上克羅地亞近4仗歐國外全部半場領先，半場主勝屬信心之選。

（周五凌晨2時45分開賽）
現時D組形勢緊湊，小組5支球隊中，只有拉脫維亞5戰全敗0分包尾，前4隊差距都喺3分之內，克羅地亞與土耳其同得10分，少踢1場嘅克羅地亞憑得失球領先，阿美尼亞同威爾斯暫以7分排3、4名，今場克羅地亞對土耳其勝負直接影響出線權誰屬，相信克羅地亞唔會大意，憑主場之利盡快爭取領先。

陣容星光熠熠搶分有保證
克羅地亞今次陣容星光熠熠，隊長莫迪歷繼續領軍，曼城孖寶高華錫、加華度爾，轉赴沙特搵食嘅中場波索域均在陣，配合射手般奴柏高域，係球隊搶分保證。

至於土耳其現時5戰3勝1和1負得10分，分組賽唯一敗仗正係主場不敵克羅地亞，而該仗土耳其上半場已失兩球，明顯實力不如對手，佢哋上輪打和阿美尼亞同熱身賽輸畀日本，表現低迷，及後即刻炒咗根斯，改由蒙迪拿接手，難免影響軍心，今仗隨時上半場已被對手攻陷。