英超第11輪紐卡素主場迎戰阿仙奴，主隊紐卡素周中聯賽盃作客3:0擊敗狀態一般嘅曼聯，喺缺少中場辛度東拿利之下，中前場攻擊力仍舊銳利，前鋒哥林威爾遜及阿歷山大伊沙克交出穩定水準，二人合共交出13個士哥。不過防守方面則稍稍鬆懈，近3場聯賽有4個失波，今場面對攻擊力強勁嘅阿仙奴，相信失波亦難避免。
客隊阿仙奴上輪聯賽主場大炒榜尾球隊錫菲聯5:0，前鋒尼基迪亞大演帽子戲法，不過周中聯賽盃派上少量後備兵上陣則敗陣韋斯咸1:3，反映兵工廠今季在多條戰線下，主力要多作輪換，勝局亦未必太穩，大戰當前，睇好入波多。佩芝