英超：攻力一樣唔掂 紅軍槍手吼細_星島日報

英格蘭足總盃第三圈，英超勁旅碰頭，阿仙奴主場出戰利物浦，兩隊不足1個月再度交手，上仗雙方各取1分，相信今場將會有勝負之分，以免擇日再戰，耗損軍力。

主隊阿仙奴經歷「聖誕快車」，球員明顯疲態盡現，接連敗陣韋斯咸和富咸兩支倫敦球隊，痛失6分。主帥阿迪達戰略風格一向進取，但今季其他英超球隊識破兩翼側擊嘅強點，加以壓制邊鋒側擊，令球隊整體進攻乏力，左翼加比爾馬天尼利聯賽半季過去，只入2球，問題嚴峻。

相反，客隊利物浦今季重拾信心，後防似乎越嚟越有默契，中堅大師華基爾雲迪積克狀態有所提升之餘，客串左閘嘅祖高美斯表現不俗；而幾位中場球員嘅活力亦令紅軍攻守更全面，不過球隊前線較側重右路，穆罕默德沙拿將要出席非洲盃而缺陣，進攻力或有隱憂。佩芝