英超：般尼盧頓搶分大作戰_東方日報

護級6分波打甩髀
周六凌晨英超上演護級大戰，排尾2嘅般尼主場迎戰尾3嘅盧頓，呢場「6分波」直接影響兩隊護級前景，今仗肯定會主動出擊務求搶晒3分。般尼踢法熱衷進攻，盧頓嘅入球能力亦唔弱，今場好大機會玩駁火，2.5球入球大值得捧場。

（Now621周六凌晨3時45分直播）
般尼喺高柏尼帶領下，一直希望踢主動波，可惜球員質素始終唔高，面對強敵就自討苦吃，不過對住同級對手就唔同講法，上月就曾經喺主場5比0大炒錫菲聯，首循環作客亦贏過盧頓，今仗返主場當然會以贏波為目標，放膽進攻。今仗唯一隱憂係挪威防守中場辛達貝治停賽，令球隊本來已經唔強嘅防守再少一道可靠屏障，想唔失波難度高。

客軍鬥強隊唔退縮
盧頓跌入降班區，同樣係受到質素所限，不過佢哋嘅無比鬥志就贏盡掌聲，近5場聯賽2勝3負，3次輸波對住阿仙奴、曼城同車路士等強隊，都係力戰下僅以1球落敗，而且場場都有波入，加上盧頓對上7場聯賽，有6次總入球開3球或以上，今仗面對般尼肯定唔會退縮。兩隊為拎護級寶貴3分會打甩髀，2.5球入球大穩開。