亞冠：希拉爾主場出擊贏德_東方日報

沙特內訌佔上風
亞冠盃西亞區4強首回合上演「沙特內訌」，上屆亞軍希拉爾先喺主場迎戰伊蒂哈德。兩支勁旅係老對手，近年多番交鋒，希拉爾大部份時間佔上風，4日前聯賽對壘，希拉爾就輕取對方3比1，今場以主Ｗ作過關變倍器係明智之選。（HOYTV77台周三凌晨2時直播）

希拉爾貴為亞洲班霸，近兩屆亞冠盃拎到1冠1亞佳績，今屆亦以7勝1和成績勇闖8強，喺沙特聯賽同樣穩坐榜首，各項正式賽事錄得27連勝，狀態同氣勢一時無兩，喺葡萄牙教練佐治捷西斯執教下攻守兼備，又有魯賓尼維斯、米連高域沙域等「實力派」球星，極具冠軍風範。

賓施馬有傷或缺陣
伊蒂哈德係上季沙特聯賽冠軍，實力當然不容忽視，不過佢哋近年對住希拉爾就表現失色，近8次對賽無一獲勝，上場聯賽「夫添」出擊都輸波，希拉爾喺法定時間有6勝2和成績，大有「格食格」味道。

伊蒂哈德雖然有賓施馬、尼高路簡迪同法賓奴等球星，不過法國射手賓施馬早前因紀律問題被懲罰後，信心同狀態都麻麻，而且賽前消息指佢腳傷未愈，今仗好大機會缺陣，作客希拉爾難逃一敗，以主Ｗ作為過關膽更佳。