意甲：歐戰玩完拉素頹細未止_東方日報

歐聯出局嘅拉素，返回聯賽鬥烏甸尼斯。拉素近5場輸4場，士氣不振，遇正和波專家烏甸尼斯，今場似係悶局居多，烏甸尼斯近6場全開2球或以下，今場揀2.5球入球細最啱數。（Now638周二凌晨3時45分直播）

拉素聯賽同歐聯雙線接連受到重擊，上周中歐聯16強次回合作客不敵拜仁可以話係意料中事，但聯賽先後不敵博洛尼亞、費倫天拿同AC米蘭，未計本周賽事，已經跌到落第9。

拉素射手恩莫比尼自對歐聯16強首回合，喺拜仁身上射入12碼之後，5場未入過波，而且中場古安杜斯、盧卡柏歷堅尼及後衞阿當馬路錫要坐波監，不論攻守實力都受到影響。

烏甸尼斯天殘地缺焗守
烏甸尼斯同樣受到停賽影響，中場伊保沙利及華萊士蘇沙今仗要缺陣，大大減弱烏甸嘅進攻能力，估計佢哋都會屯重兵喺後防，死守博搶1分，今場入波肯定唔會多，玩入球細最適合不過。