亞冠盃：睇錢份上歎曼板 FC山東吼半和_東方日報

睇錢份上歎曼板 FC山東吼半和

曼谷聯隊長 艾華頓

今晚亞冠盃第二圈外圍賽，中超球隊FC山東主場迎戰泰超曼谷聯。今場屬一場過定輸贏，勝方會進入亞冠精英盃，負方則跌落亞冠2，兩者獎金有天壤之別，雙方肯定步步為營，尤其上半場特別謹慎以免陷入劣勢，加上曼谷聯近4場亞冠盃有3次開半場和，再追半場和。（周二晚8時開賽）

曼谷聯近態佳有力周旋
兩軍上季都能夠喺分組賽突圍，不過喺唔同階段遭橫濱水手淘汰，曼谷聯16強止步，FC山東則於8強出局。根據最後報名名單，山東有4名外援，而曼谷聯外援數多達7名，兩軍實力不相伯仲。

FC山東上季亞冠雖然經常上演入球騷，但今季中超目前只排第5，同榜首上海SC有29分差距，而且球隊狀態一般，近3場輸晒入得1粒，面對曼谷聯都唔係贏硬，預料會穩陣至上，初段唔介意「歎慢板」。曼谷聯上周五半主力出擊贏波，完成新季開咧戰即飛往中國，佢哋近6場法定時間錄4勝1和1負，狀態唔曳，作客亦有力同FC山東周旋，今仗開出半場和機會高。文:渡邊年