亞冠：海港鬥柔佛駁火騷_東方日報

另一場亞冠精英盃A組賽事，中超勁旅上海海港主場火併馬來西亞「1哥」柔佛DT。上海海港以「武球王」武磊為首嘅鋒線，火力強勁，不過柔佛近年出戰亞冠都係以攻代守，鬥攻格局實多波入，3.5球大盤咪錯過。（HOY TV 76台周三晚8時直播）

射手武磊弗到漏
上海海港雖然錄得亞冠盃5連敗，但呢支中超勁旅近期重拾佳態，今季喺聯賽高踞榜首，踢咗25場贏21場兼攻入83粒。其中「武球王」武磊以29球，排喺射手榜榜首，更成為中超單季入波最多球員之一，弗到漏油。

另邊廂，柔佛近5場亞冠盃，取得3勝2負，其中4次開4球或以上，絕對係有前冇後。何況柔佛狀態奇佳，近4場全勝狂轟20粒，加上近2次喺亞冠盃對住中超球隊贏晒，信心爆棚下唔怕同你鬥攻，今場實會多波入。