智甲：高路高路全速衝冠拉唔住_東方日報

时间：2024-10-16 22:31　|　作者：足球帝　|　来源: 网络我要分享

高路高路全速衝冠拉唔住

星期四清晨智甲上演冠軍關鍵戰，最後直路全速衝刺嘅高路高路，將會作客卡拉雷聯，客隊今場只要拎晒3分，就可以正式登上榜首位置，重奪聯賽冠軍會係一片坦途。高路高路氣勢如虹兼戰意高昂，客勝值得捧場。（周四清晨5時57分開賽）

卡拉雷聯近3次對賽全敗
高路高路依家落後智利大學1分排第2位，但就踢少1場，今場補賽贏埋就可以超前上榜首，最後3輪生死戰會有極大優勢。由阿根廷名帥佐治阿米朗執教嘅高路高路，關鍵時刻全面撻着，喺聯賽已經錄得8連勝，近6場作客亦有5勝1和，表現非常穩定。

主場嘅卡拉雷聯上仗絕殺維拿迪馬愛華頓後，護級壓力稍為紓緩，今場好大機會以1分為目標，不過佢哋近3次對高路高路輸晒兼被轟11球，防線似乎頂唔住高路高路嘅火力，而且兩隊實力有明顯差距，卡拉雷聯今仗凶多吉少。文:工廠仔

本站系本网采集转载，转载目的在于传递更多信息，并不代表本网赞同其观点和对其真实性负责。如涉及作品内容、版权和其它问题，请在三十日内与本网联系，我们将在第一时间删除内容