英超：森林作客特醒反轉李城_東方日報

时间：2024-10-25 22:40　|　作者：足球帝　|　来源: 网络我要分享

今晚英超獨腳戲，李斯特城主場迎戰諾定咸森林。由葡萄牙領隊紐奴帶領嘅森林，今季表現令人眼前一亮，依家排喺聯賽前半版，最大原因係作客成績極佳，今季作客仍未輸過波，要喺實力普通嘅李斯特城身上拎3分唔難，上盤讓平半值博。

（Now 621周六凌晨3時直播）

李斯特城近期連贏般尼茅夫同修咸頓，暫時逃離降班漩渦，領隊谷巴今場倒戈相向，料會搶攻力求勝仗，不過面對擅長打反擊嘅森林未必上算，而且中場咸沙祖靴里養傷，中場力量受到削弱，對住充滿活力兼且搶得嘅森林中場，難免會被比下去。

奧杜爾艾蘭加突擊高手
另邊廂，森林有赫臣奧杜爾同艾蘭加兩大突擊高手，作客比賽往往大派用場，亦係森林作客成績突出嘅最大原因。連同上季尾，森林近6場英超作客有4勝2和，今季試過作客1比0贏利物浦，又試過1比1打和車路士，今仗要贏波並冇難度，上盤值得捧場。文:工廠仔

本站系本网采集转载，转载目的在于传递更多信息，并不代表本网赞同其观点和对其真实性负责。如涉及作品内容、版权和其它问题，请在三十日内与本网联系，我们将在第一时间删除内容