意甲：阿特蘭大勇銳翻嗒A米_東方日報

意甲爭霸形勢緊湊，幾支前列分子咬得好緊，周六凌晨阿特蘭大主場迎戰AC米蘭備受注目。排第2位嘅阿特蘭大近況勇達巔峰，驚人火力贏幾多都有，主場出擊係信心保證，主W博得過！

（HOY TV 76台周六凌晨3時45分直播）文:工廠仔

要數目前意甲狀態最好球隊，非正值8連勝嘅阿特蘭大莫屬，兩大前鋒列迪古同盧卡文腳風極順，令阿特蘭大進攻水銀瀉地，8連勝當中每場入至少2球，當中7場贏2球或以上，表現極具說服力。

AC米蘭近況其實都唔差，各項賽事都連贏咗3場，不過佢哋近年都係畀阿特蘭大剋住，對上3次交鋒只得1和2負，捧阿特蘭大主勝穩陣。

國米留力細鬥帕爾馬
早啲開波嘅仲有國際米蘭主場鬥帕爾馬，國米今季成績對辦，最大原因係後防穩健，在歐聯5戰未失1球，近6場聯賽亦有4場保持不失，佢哋下周中會喺歐聯作客利華古遜，今仗會穩陣應戰，國米近期喺主場穩打穩紮，連續4場主場總入球開2球或以下，揀3.5球嘅入球細相當穩陣。

（HOY TV 76台周六凌晨1時30分直播）