阿仙奴求雙殺維拉保希望_澳門日報

阿仙奴求雙殺維拉保希望

今個周末深夜相信會有不少球迷樂意捱夜睇波，皆因一場焦點大戰即將上演，阿仙奴在主場惡鬥阿士東維拉。

槍手賽前雖位列次席，不過爭標形勢相當被動且不容樂觀，多踢一場落後利物浦四分，因此下半季每場都不容有失。但兵工廠近況頗為反覆，近五戰兩勝兩和一負，但國內兩項盃賽同告失利，聯賽盃四強首回合落後紐卡素，足總盃更被曼聯淘汰。當然積極去分析，便是可集中兵力在聯賽及歐冠盃，而上仗在北倫敦打吡凱旋亦具提振士氣作用。傷兵問題仍是限制發揮的一大關鍵，領隊阿迪達及近日深受壓力的夏維斯必須兌現價值。

維拉自從安拿利入主後，逐步成長為英超一股新勢力，甚至今季在新制歐冠亦能交出好成績。不過雙線作戰對現時維拉相對未算豐厚的陣容考驗頗大，考慮到下周歐冠重開，此刻的維拉未必會將重心放在聯賽。維拉近四仗不敗，包括足總盃反勝韋斯咸。只是對手普遍非上游球隊，今仗或未能在阿仙奴身上取得甜頭。

足球評述員袁家傑