亞冠：艾納斯有地利大起水手_東方日報

今屆亞冠精英盃由8強至決賽，安排喺沙特阿拉伯舉行，以一場過決勝負。換言之，有C朗助陣嘅沙特豪門艾納斯有地利優勢，今仗8強對日職球隊橫濱水手，應可佔上風。橫濱水手防線穿窿，近4場有3場總入球開4球或以上，艾納斯客W太熱冇肉食，可博中位數3.5球嘅入球大。(HOY TV 76周日凌晨3時30分直播）文:Mic少

艾納斯喺聯賽落後榜首伊蒂哈德8分，爭標機會渺茫，為免今季四大皆空，必定全力爭奪亞冠精英盃。艾納斯上場聯賽對達馬克FC，教練皮奧利收起巨星C朗，明顯希望呢位40歲射手留力踢今場大戰。C朗近4次亞冠上陣都有波入，合共有6球進帳，佢「叉足電」披甲，今仗肯定有貨交。

吉達艾阿里超班吼半W
水手雖然近8場亞冠精英盃全勝，但最近1次贏波，已經係3月中，球隊狀態持續低迷，近7場比賽未贏過，近4場更合共失11球，估計難以抵擋艾納斯強攻。不過，水手近4場入咗7球，就算輸波都應該有力破蛋，入球大值博。

同日另一場亞冠精英盃8強，吉達艾阿里對武里南聯，沙特球隊吉達艾阿里有地利優勢之餘，仲擁有馬列斯、艾雲東尼、羅拔圖法明奴、基斯爾等球星，整體人腳實力遠勝泰國球隊武里南聯。可博半場主勝。（HOY TV 76周日凌晨零時30分直播）