蘇蝦仔：曼聯今夏首簽目標鎖定馬菲奧斯根夏_星島日報

從種種跡象顯示，曼聯今夏第一宗收購，大有機會是狼隊10號仔馬菲奧斯根夏，轉會費預計高達6,250萬鎊。有睇開英超的球迷，都知道此子的能力，其特質完全符合曼聯所需，但其防守投入度低，交易成為雙面刃。

馬菲奧斯根夏是狼隊的攻擊靈魂，接近一人撐起球隊鋒線，今季英超收錄14球4助攻，若非他的隊友把握能力差，其助攻數字不止於此。14球4助攻，合共貢獻18球，比曼聯隊內任何一人都要多，隊長般奴費南迪斯都只係17球。

而根夏踢開10號位，有典型巴西球員的技術之餘，埋門一腳處理冷靜，擅長後上禁區射門，亦有最後一腳傳送，真正做到能傳擅射，解決到曼聯攻力不濟的問題。作為巴西國腳，年僅25歲還有大量進步空間，6,250萬鎊唔算貴，更重要他有持球長途盤扭的能力，這是紅魔近年最欠缺的一環。

不過此子在狼隊有核心地位，其他隊友幫手分擔其防守工作，所以他防守參與度低，經常在中前場散步，這點紅魔球迷未切可以接受。同時他亦是喜歡攤開雙手，向隊友抱怨的球員，經常會嫌隊友走錯位，或埋怨隊友無法將皮球傳到自己腳下。

現時已有不少曼聯球員批評般奴費南迪斯的身體語言，如果再加多一個類同的根夏，魔迷又會唔會接收呢？蘇偉業