日職：補賽頻繁鬥飄忽紅鑽 前鋒慳力半場和要追_東方日報

日本賽事踏入季中，各隊演出好壞已露端倪，預測準確度相應提高。今午日職重頭戲，川崎前鋒對浦和紅鑽，川崎前鋒早前出戰亞冠精英盃，令多場聯賽改期，依家補回賽事，因此賽事較為頻繁，球員體力消耗極大，預計球隊將會採用慳力戰術，上半場先求穩住局面，所以川崎前鋒近5場聯賽主場全開半場和，不妨再追。

（周三晚6時開賽）文:邪神

浦和紅鑽早前豪取5連勝後，近期狀態飄忽，大前仗不敵大阪飛腳情有可原，但與弱旅新潟天鵝賽和1比1，對球隊士氣有一定影響，直至上輪反勝FC東京3比2，但都係全靠後備殺手松本泰志末段連入兩球，包括補時3分鐘絕殺致勝，近3場全開半場和，今場周中波仲要作客，估計亦會先求穩守，遇上近期主場頻開半場和嘅川崎前鋒，開半場和都好合理。

水手勝利船好守「細」
另一場補賽，橫濱水手對神戶勝利船。水手在亞冠精英盃出局後，回師聯賽頹勢未止，為今之計是做好防守，恢復元氣；衞冕嘅神戶勝利船表現都走樣，佢哋作客不求有功但求無過，近4場作客都打守勢波，全開2球或以下，捧2.5球入球細啱數。