法附：蘭斯護級戰裝腔作細_東方日報

法附次回合蘭斯返回主場再鬥梅斯！首回合梅斯喺主場率先打開紀錄下，結果被蘭斯追和1比1，今場主客交換再遇，預計戰情都會膠着。事實上兩軍攻力都唔算上乘，都好怕自己先失波追唔番，故此會先做好防守，推介2.5球入球細。

（周五凌晨2時30分開賽）文:渡邊年

法甲聯賽排名第16嘅蘭斯，喺今次兩個回合附加賽中間，踢咗場法國足總盃決賽，最終以0比3不敵巴黎聖日耳門，累積近5場1和4負，球隊入球能力只屬一般，累計近9場比賽只入5球，當中總入球7次開2球或以下，而且蘭斯比起對手梅斯多踢一場，球員體力下降情況下，即使今場有主場之利亦未必主攻，寧願吼準機會先作致命一擊。

梅斯作客踢得穩陣
喺法乙排名第3位嘅梅斯，於首回合整體表現比蘭斯好，不論控球率、射門次數及傳送準繩度統計數字都較高，不過法國波通常主場一方表現特別醒神，今仗主客互換實在戰況難料，加上佢哋近3次鬥蘭斯只得2和1負，從未贏過，今場作客更加會踢得穩陣，預計次回合兩軍都會步步為營，入球細係最佳投注選擇。