日職：櫻花守細波迎心跳_東方日報

今日下午繼續有日職玩，其中大阪櫻花主場迎戰清水心跳，兩隊整體成績接近，論狀態大阪櫻花稍為佔優，頻頻搶到分，但攻力仍然不足，要撕開清水心跳防線，並非易事，預料呈現拉鋸戰居多，寧願博中位數2.5球嘅入球細。（無綫myTV SUPER周日下午2時直播）文:Mic少

換帥後防線有改善
大阪櫻花今季換帥，由澳洲籍教練柏巴斯領軍，但開季首2個月表現令人不敢恭維，直至5月開始有起色，近6場聯賽取得4勝1和1負，最主要防線有明顯改善，上場作客前列分子浦和紅鑽，亦能力保不失打和0比0，連續2場保持清白之身。

不過，大阪櫻花入波能力始終偏低，近5次主場有4次總入球開出2球或以下，包括近2次分別僅小勝橫濱水手1比0及2比0輕取福岡黃蜂，就算今仗贏到清水心跳，入波都唔會多。

至於清水心跳上場聯賽驚濤駭浪下，主場以3比2擊敗神戶勝利船，總算結束連續4場不勝頹勢，有助提升信心及士氣。不過，清水心跳近2場作客不約而同輸0比1，今場隨時又打回原形。清水心跳為免再次輸波，應該會採取穩陣踢法，今場開出平手盤，證明雙方勢均力敵，勝負難料之下，最好揀入球細。