西女盃：巴塞隆拿女足半場大德起_東方日報

女子西盃決賽，由巴塞隆拿女足大戰馬德里體育會女足。「地上最強」巴塞女足早前喺女子歐聯決賽大熱倒灶，輸畀阿仙奴女足屈居亞軍，呢隊長勝之師依家滿肚烏氣等住吐出，對西盃冠軍志在必得，今場一開波即搶攻，半場主勝賠率乏味，捧1.5球半場大更上算。

（周日凌晨1時開賽）文:工廠仔

巴塞女足歐聯3連霸美夢幻滅，佢哋之前10連勝走勢，喺最重要關頭斷纜，不過一次意外無損巴塞女足超班實力，教練皮利羅美奧都表示：「嗰場（歐聯）決賽我哋有啲嘢做唔好，但唔可以抹殺球隊全季嘅表現，依家仲有個冠軍要爭取，捧盃係呢隊波嘅DNA。」

近年對壘剋住馬體會
呢支西甲霸主近9次對馬體會女足全部贏波，對上4次交手更加全部喺上半場已經領先，可見兩隊波實力有一定距離，而佢哋近4場有3次半場開2球或以上，其中兩場上半場領先3比0，非常搶韁。巴塞女足依家係「受傷老虎」，今季最後一擊誓捧盃，肯定毫無保留開波即搶攻，半場主勝太熱冇肉食，轉捧半場大好過。