世冠盃：藍月試新兵半細達標_東方日報

世冠盃G組，英超豪門曼城第一擊，迎戰韋達卡薩白蘭卡；由於賽事長達1個月，預料「藍月亮」曼城好大機會留前鬥後，保留體力喺淘汰賽衝刺爭標，分組賽未必搏盡。摩洛哥球隊韋達卡薩白蘭卡實力較弱，預料會主守，考慮到曼城近6場有5次上半場總入球開1球或以下，寧願博中位數1.5球嘅半場細。（周四凌晨零時開賽）文:Mic少

曼城中場靈魂人物奇雲迪布尼已經離隊，翼鋒基亞利殊則冇入選，相信領隊哥迪奧拿會趁分組賽對手較弱，試用3位新加盟球員卓基、雷恩達斯，以及艾洛利，幫助3子盡快融入球隊，預計試陣過程之中，難免影響球隊默契，削弱進攻效率。此外，「藍月亮」剛經過漫長球季，加上多位主力早前需要踢國際賽，可以話係疲於奔命，因此哥帥今仗可能會輪換陣容，不宜高估，尤其是上半場需要時間了解對手虛實，不會冒進。

韋達卡薩白蘭卡一味靠守
至於韋達卡薩白蘭卡以2021/22年球季非洲冠軍身份參賽，但該隊近2季成績明顯退步，包括今季僅獲得聯賽第3名，隊內大部分球員都係「土炮」，技術及大賽經驗遠遠唔及曼城。韋達卡薩白蘭卡自知技不如人，惟有屯重兵先做好防守，上半場體力比較充沛情況下，或者可以半場力保不失，1.5球半場細值得秤先。