東錦女：鏗鏘玫瑰硬淨唔怕南韓_東方日報

女子東亞錦標賽拉開戰幔，立即上演「中韓大戰」，東道主南韓女足將會硬撼中國女足，「韓女」雖然有地利優勢，但狀態欠佳，近4場未贏過。上屆亞軍中國女足踢法硬淨，加上雙方近4次對賽，中國女足獲得1勝3和，既然有得受讓，不妨博讓球客勝（+1）。（周三晚7時開賽）文:Mic少

兩軍對壘例難分高下
南韓女足對上一次捧東亞錦冠軍，已經係2005年，近3屆表現令人失望，合共踢9場只有2勝2和5負，包括上屆同中國女足打和1比1。「韓女」近期備戰情況亦未如理想，踢4場熱身賽只有1和3負兼僅入1球，可見攻力甚為疲弱，想喺中國女足身上取得入波，並非易事。

至於「鏗鏘玫瑰」上屆3戰取得1勝2和，獲得亞軍，曾經效力巴黎聖日耳門女足嘅翼鋒王霜，以及踢過熱刺女足嘅射手張琳艷今屆都有份入選，具備不俗反擊力。不過，中國女足始終作客，預料會採取穩守突擊。事實上，雙方近年交鋒，戰局非常緊湊，包括近2次對賽，同樣由南韓女足先開紀錄，但中國女足都可以逼和1比1，可謂勢均力敵，受讓有着數。