阿甲次：堤格雷作客硬淨受讓筍_東方日報

聽朝阿甲次循環免費直播波，沙士菲主場迎戰堤格雷。沙士菲與堤格雷喺阿甲首循環表現差天共地，堤格雷明顯勁好多，係阿甲首客場成績第2佳球隊，加上對賽食住沙士菲，仲有得受讓平半咁筍，堤格雷下盤咪錯過。（HOY TV 76台周二早上8時13分直播）文:法達斯維

今場屬於阿甲次第1輪賽事，睇番阿甲首，雙方戰績可謂兩極，沙士菲16場聯賽輸咗10場，淪落到排尾3，當然佢哋要分心兼顧自由盃，亦成功殺入16強，不過就係咁付出聯賽慘淡成績嘅代價。再深入睇睇，沙士菲喺8場聯賽主場入得兩球咁大把，係成個阿甲主場火力最弱球隊，真係見到都唔開胃，邊有本錢讓波。

沙士菲主場僅入2球
相反，堤格雷喺阿甲首排第8位，排名甩開沙士菲幾條街，若果單計作客，8場錄4勝1和3負，睇落唔係極之標青，但已經係阿甲首客場成績第2佳球隊。最重要係，堤格雷從來都唔驚沙士菲，雙方之前6次正面交鋒，堤格雷取得3勝2和僅1敗，包括上次碰頭大勝3比0，今場有力喺阿甲次循環打響頭炮，下盤有計，如果博更好分頭可直取客勝。