東亞女：日本女足誓創3連霸大業_東方日報

今日上演兩場女子東亞錦尾輪賽事，頭場係日本女足火併中國女足。兩軍依家同分排首、次名，日本得失球佔上風，今場邊隊贏波即捧盃，「鏗鏘玫瑰」亦唔會坐以待斃，鬥攻格局，轉捧2.5球入球大更上算。（港台電視32周三下午3時直播）

現時日本女足與中國女足，同獲1勝1和得4分，領先第3位嘅南韓女足2分，日本女足得失球差為+4，比中國女足嘅+2佔優，但打和又未肯定奪冠，南韓女足只要喺尾場大勝中華台北女足5球或以上，就有機會後上捧盃，不過又咁講，「瀛女」今場贏波就一定封后，締造3連冠霸業，既然命運仍掌控喺自己手上，必定主動搶攻爭勝。

中國女足因得失球處於劣勢，想奪冠今仗更加係非勝不可，佢哋上場一度被中華台北追和下，末段連入兩粒以4比2贏波，以邵子欽、王霜同沈夢雨為首嘅進攻線，火力不容忽視。「鏗鏘玫瑰」近5場全開3球或以上，而日本女足近6場亦有5次開3球或以上，為封后大家都放手一搏，入球大有計。

南韓少士哥半場獻細
至於尾場南韓女足對中華台北女足，無論頭場能否分出勝負，今屆2戰皆和嘅東道主南韓，相信都想贏番場波，不過佢哋近6場有5次半場開1球或以下，對住必定死守嘅中華台北，轉捧1.5球半場細。（港台電視32周三晚6時30分直播）