女歐國：瑞典英格蘭駁火大騷_東方日報

以攻代守炮台眾多
衞冕女子歐國盃嘅英格蘭女足，8強將會遇上瑞典女足。「女三獅」自分組賽輸畀法國女足後，好似畀人一巴摑醒，之後連續兩場大勝；瑞典女足同樣攻力非凡，曾經大炒德國女足4比1，今場預料雙方都係以攻為主，而且炮台眾多，今屆多個入球均由不同球員取得，預計今場入波唔會少，2.5球入球大必捧。

（HOY TV 76台周五凌晨3時直播）文:渡邊年

女足普遍都係攻強於守，有唔少扭波好、射術好嘅球員，今場兩軍就係佼佼者。瑞典女足最後一場分組賽，驚人地以4比1大破德國女足，保持15場不敗，4個入個入球來自不同球員，綜合今屆3場8個入波，來自6個唔同球員，炮台眾多，令人防不勝防。

英格蘭女足首戰不敵法國女足，其後重回正軌，先贈荷蘭女足4蛋，再以6比1蹂躪威爾斯女足，火力同樣驚人，今屆3場累積射入11球，攻力僅次於西班牙女足，而11個入波由8個唔同球員射入，一樣係個個都射得。

女三獅3戰勁入11球
今場相信係兩軍星級前鋒嘅對決，瑞典女足碧克絲甸紐絲效力阿仙奴，對「女英軍」人腳熟悉，球會隊友貝芙美特則帶領英格蘭女足鋒線，配合曼聯嘅「萬人迷」艾娜東尼，加上有効力拜仁嘅中場佐真娜絲坦威支援，一定會多波入。要留意「女三獅」近8場全部開3球或以上，入球大必捧。