韓職：全北主場急先鋒半大趕開工_東方日報

今日黃昏有兩場韓職直播，同大家一齊研究，啱心水可以串條過關玩吓。先講全北汽車對FC江原，全北由前車路士名宿普耶執教，今季重拾班霸本色，而且主場急攻戰術奏效，氹到球迷又攞到成績，近4場主場半場全開2球或以上，1.5球半場大有計。（無綫myTV SUPER周三晚6時30分直播）文:渡邊年

全北不但位居榜首，同時甩開列強甚遠，上場反勝浦項制鐵3比2，士氣大振，球隊近期初段入得又失得，尤其係主場，近4場主場半場全開2球或以上，喺主場球迷面前大踢進攻足球。

FC江原狀態唔曳，近5場3勝2和，上場鬥大田市民更上演「球迷奇遇記」，下半場60分鐘開始落後0比2，竟然係90+5及90+6連入2球，戲劇性逼和對手，今場隨時一開波就同全北駁火，半場大玩得過。

2串1拖大田市民讓客
同時間開波仲有蔚山HD對大田市民，推介大家玩讓球客勝（+1），季初一度異軍突起嘅大田市民，上場被FC江原逼和，各項賽事近11場僅1勝7和，單計近5場更全部打和，要贏佢哋唔容易，加上蔚山HD近排唔識贏，近8場只得2和6負，讓唔起對手。（無綫myTV SUPER周三晚6時30分直播）