南美自由盃16強首回合賽事，上屆冠軍保地花高，主場迎戰厄瓜多爾嘅利加大學。保地花高上月踢完世冠盃後大換血，新帥大衞安察洛堤上任後特別注重防守，但係進攻變得乏力，對住硬淨嘅利加大學未必咬得入，今場讓到1/1.5似乎多咗啲，寧願捧利加大學下盤。
（周五早上6時開賽）文:工廠仔
保地花高上月聘請前皇馬助教大衞安察洛堤執教，8場賽事只係失過3球，但係射手伊戈捷西斯離隊大大影響球隊鋒力，主場對住主守球隊經常老鼠拉龜，近4場主場賽事只係贏過1場，包括上星期主場吞高士路兩蛋，球隊似乎仍喺重新磨合階段，依家唔可以有太大期望。
利加大學作客先求穩
利加大學喺分組賽力壓法林明高以首名出線，實力當然有番咁上下，佢哋今屆6場自由盃只係輸過1場，當中有4場保持不失球，今場作客肯定會先求穩守，務求保住不敗身返主場再搏殺。
其實雙方近年都喺南美賽事碰頭，前年南球盃2次交手都互交白卷，上年就喺自由盃碰頭，兩軍喺分組賽同組，雙方對賽各自喺主場贏1場，保地花高亦只係小勝2比1，以利加大學近期嘅防守能力，足以抵擋保地花高疲弱進攻，今場仲要受讓咁多，下盤抵玩啦
（周五早上6時開賽）文:工廠仔
保地花高上月聘請前皇馬助教大衞安察洛堤執教，8場賽事只係失過3球，但係射手伊戈捷西斯離隊大大影響球隊鋒力，主場對住主守球隊經常老鼠拉龜，近4場主場賽事只係贏過1場，包括上星期主場吞高士路兩蛋，球隊似乎仍喺重新磨合階段，依家唔可以有太大期望。
利加大學作客先求穩
利加大學喺分組賽力壓法林明高以首名出線，實力當然有番咁上下，佢哋今屆6場自由盃只係輸過1場，當中有4場保持不失球，今場作客肯定會先求穩守，務求保住不敗身返主場再搏殺。
其實雙方近年都喺南美賽事碰頭，前年南球盃2次交手都互交白卷，上年就喺自由盃碰頭，兩軍喺分組賽同組，雙方對賽各自喺主場贏1場，保地花高亦只係小勝2比1，以利加大學近期嘅防守能力，足以抵擋保地花高疲弱進攻，今場仲要受讓咁多，下盤抵玩啦