日聯盃4強首回合，FC橫濱主場迎戰廣島三箭。FC橫濱冇乜嘢叻，最叻係擺鐵桶陣死守，三箭要咬得入佢哋唔易，加上淘汰賽難免踢得小心謹慎，2.5球入球細係明智之選。（無綫myTV SUPER周三晚6時直播）文:法達斯維
廣島三箭首回合唔會冒進
FC橫濱呢類典型弱旅，慣咗年年打護級，依家佢哋喺聯賽排尾3，稍有不慎就會萬劫不復降班收場，為咗自救，佢哋近期踢出超水準，尤其係防守上表現大幅改善，各項賽事近8場僅輸3場之餘，有5場保持清白之身，只係失咗3粒咁大把，而呢8場全開2球或以下，當然呢種龜縮打法，無疑係犧牲進攻，呢8場入得5球，明顯守強攻弱。
另邊廂，廣島三箭喺聯賽排第6，爭冠機會漸趨渺茫，反而日聯盃及日皇盃兩項盃賽均打入4強，預計會將重心放喺盃賽上，一定搏老命；論實力佢哋一定喺FC橫濱之上，今季聯賽兩循環雙殺對手，不過來到淘汰賽戰況緊湊，加上首回合要先作客，應該會踢穩陣波，對住一心死守嘅FC橫濱，相信進攻要畀啲耐性，未必咁易攻得入，2.5球細盤值得捧場。
廣島三箭首回合唔會冒進
FC橫濱呢類典型弱旅，慣咗年年打護級，依家佢哋喺聯賽排尾3，稍有不慎就會萬劫不復降班收場，為咗自救，佢哋近期踢出超水準，尤其係防守上表現大幅改善，各項賽事近8場僅輸3場之餘，有5場保持清白之身，只係失咗3粒咁大把，而呢8場全開2球或以下，當然呢種龜縮打法，無疑係犧牲進攻，呢8場入得5球，明顯守強攻弱。
另邊廂，廣島三箭喺聯賽排第6，爭冠機會漸趨渺茫，反而日聯盃及日皇盃兩項盃賽均打入4強，預計會將重心放喺盃賽上，一定搏老命；論實力佢哋一定喺FC橫濱之上，今季聯賽兩循環雙殺對手，不過來到淘汰賽戰況緊湊，加上首回合要先作客，應該會踢穩陣波，對住一心死守嘅FC橫濱，相信進攻要畀啲耐性，未必咁易攻得入，2.5球細盤值得捧場。