今晚亞冠精英盃B組第3輪賽事，伊拉克球隊ＳＣ艾索達硬撼沙特職勁旅伊蒂哈德。伊蒂哈德啱啱易帥暫未見起色，加上喺今屆亞冠盃仲未開齋，預計會穩陣行先再伺機反彈，而且佢哋近期轉踢守勢波，寧捧入球細。（HOY TV 76台周二凌晨零時直播）文:法達斯維
小組兩連敗唔敢冒進
兩軍喺今屆亞冠精英盃都係未打開勝利之門，上季沙特職盟主伊蒂哈德，本來由前法國隊主帥白蘭斯執教，但經歷季初一輪動蕩，包括頭兩輪亞冠盃全敗嘅劣績，白蘭斯無奈之下慘食「無情雞」。新帥沙治奧干斯卡奧喺本月頭臨危受命，呢位教過波圖同ＡＣ米蘭嘅前葡萄牙國腳，日前聯賽對艾費哈先至首度領軍，最終各一言和，睇嚟干斯卡奧仲要啲時間將理念灌輸畀球員，暫時只求穩打穩紮，何況伊蒂哈德近期前線陷入啞火，近5場入得3粒，全開2球或以下，加上頭兩輪亞冠盃輸晒，為求出線今仗不容再失，預計會保守行先，力圖穩中求勝。
主場出擊嘅ＳＣ艾索達亦唔好得幾多，雖然佢哋喺伊拉克國內聯賽表現唔曳，但出到亞洲大舞台就唔多夠班，頭兩輪亞冠盃只得1和1負，佢哋各項賽事近7仗有6次開2球或以下，同樣偏重防守，今仗遇上強敵更加唔敢冒進，大家都鬥保守，唔慌多波入。
小組兩連敗唔敢冒進
兩軍喺今屆亞冠精英盃都係未打開勝利之門，上季沙特職盟主伊蒂哈德，本來由前法國隊主帥白蘭斯執教，但經歷季初一輪動蕩，包括頭兩輪亞冠盃全敗嘅劣績，白蘭斯無奈之下慘食「無情雞」。新帥沙治奧干斯卡奧喺本月頭臨危受命，呢位教過波圖同ＡＣ米蘭嘅前葡萄牙國腳，日前聯賽對艾費哈先至首度領軍，最終各一言和，睇嚟干斯卡奧仲要啲時間將理念灌輸畀球員，暫時只求穩打穩紮，何況伊蒂哈德近期前線陷入啞火，近5場入得3粒，全開2球或以下，加上頭兩輪亞冠盃輸晒，為求出線今仗不容再失，預計會保守行先，力圖穩中求勝。
主場出擊嘅ＳＣ艾索達亦唔好得幾多，雖然佢哋喺伊拉克國內聯賽表現唔曳，但出到亞洲大舞台就唔多夠班，頭兩輪亞冠盃只得1和1負，佢哋各項賽事近7仗有6次開2球或以下，同樣偏重防守，今仗遇上強敵更加唔敢冒進，大家都鬥保守，唔慌多波入。