今晚英超焦點戰，阿士東維拉主場硬撼曼城。「藍月亮」神鋒艾寧夏蘭特腳風順到冇朋友，入波不斷勒都勒唔住，同時帶動曼城重返正軌，就算維拉近況好番好多，都好難頂得住「魔人」進襲，客勝有計。（Now 623周日晚10時直播）文:法達斯維
講到近期英超最屈機前鋒，唔係艾寧夏蘭特仲有邊個呀，呢位神鋒弗到近乎冇人可以阻到佢，連同國際賽在內，呢位挪威國腳已經連續12場賽事有波入，追平咗C朗嘅職業生涯最長連續入波紀錄，若果今仗再有士哥，就可創造歷史。
「魔人」弗到咁，最大得益者就梗係曼城喇，自從季初連敗畀熱刺同白禮頓，之後9場各項賽事，豪取7勝2和未輸過，單計聯賽近5場贏4場，亦令佢哋升上次席。
維拉對賽處下風
當然維拉近況都唔錯，各項賽事近9仗錄5勝3和1負，走出季初頻頻食白果嘅谷底，不過王牌奧尼屈堅斯仲未搵番對射門鞋，今季12次披甲入得1粒咁大把，同對面「魔人」比較，相形見絀。而且近10次聯賽交手，曼城贏咗7次，今仗有力反客為主。
講到近期英超最屈機前鋒，唔係艾寧夏蘭特仲有邊個呀，呢位神鋒弗到近乎冇人可以阻到佢，連同國際賽在內，呢位挪威國腳已經連續12場賽事有波入，追平咗C朗嘅職業生涯最長連續入波紀錄，若果今仗再有士哥，就可創造歷史。
「魔人」弗到咁，最大得益者就梗係曼城喇，自從季初連敗畀熱刺同白禮頓，之後9場各項賽事，豪取7勝2和未輸過，單計聯賽近5場贏4場，亦令佢哋升上次席。
維拉對賽處下風
當然維拉近況都唔錯，各項賽事近9仗錄5勝3和1負，走出季初頻頻食白果嘅谷底，不過王牌奧尼屈堅斯仲未搵番對射門鞋，今季12次披甲入得1粒咁大把，同對面「魔人」比較，相形見絀。而且近10次聯賽交手，曼城贏咗7次，今仗有力反客為主。