陷入3連敗噩夢嘅利物浦，今輪作客韋斯咸，係復甦定繼續沉淪仲係未知之數，不過今場好大機會上演入球騷，而且上半場入波必多，推介大家玩1.5球半場大。（Now 621及611周日晚10時05分直播）文:渡邊年
韋斯咸季初6場輸5場之後炒咗樸達搵紐奴接手，點知上任頭4場只得1和3負，當球迷認為「咪一樣」，球隊近3仗嚟個大逆轉，聯賽2勝1和擸走7分，哥林威爾遜上仗鬥般尼茅夫入2粒，仲有湯馬士蘇錫克都重拾射門鞋，球隊近4仗入9球。不過「錘仔幫」防守始終唔穩陣，呢4場同時亦失咗7球，全部上半場都已經有交收，半場全開2球或以上。
利物浦先後輸畀曼城、諾定咸森林同燕豪芬，全部畀對手射入3球或以上，近7場英超只得1勝6負，未計今輪聯賽，已經跌到落12位。
沙拿遇錘仔特別有計
「紅軍」領隊施洛面對被炒壓力愈嚟愈大，今場肯定心急搶分，不過佢哋近4場聯賽作客輸晒，客W真係好難捧得落手。射手穆罕默德沙拿已經4場未入過波，幸好佢對韋斯咸特別醒神，曾經射入「錘仔幫」大門13次，今場力爭數胡，預料雙方一開波就攻，1.5球半場大值得支持。
韋斯咸季初6場輸5場之後炒咗樸達搵紐奴接手，點知上任頭4場只得1和3負，當球迷認為「咪一樣」，球隊近3仗嚟個大逆轉，聯賽2勝1和擸走7分，哥林威爾遜上仗鬥般尼茅夫入2粒，仲有湯馬士蘇錫克都重拾射門鞋，球隊近4仗入9球。不過「錘仔幫」防守始終唔穩陣，呢4場同時亦失咗7球，全部上半場都已經有交收，半場全開2球或以上。
利物浦先後輸畀曼城、諾定咸森林同燕豪芬，全部畀對手射入3球或以上，近7場英超只得1勝6負，未計今輪聯賽，已經跌到落12位。
沙拿遇錘仔特別有計
「紅軍」領隊施洛面對被炒壓力愈嚟愈大，今場肯定心急搶分，不過佢哋近4場聯賽作客輸晒，客W真係好難捧得落手。射手穆罕默德沙拿已經4場未入過波，幸好佢對韋斯咸特別醒神，曾經射入「錘仔幫」大門13次，今場力爭數胡，預料雙方一開波就攻，1.5球半場大值得支持。