車仔齊腳挑戰維拉連勝
維拉自十一月初不敵利物浦後已取得十連勝，成為近期全歐洲狀態最佳球隊之一。論兵力或球員個人能力，維拉頂多是中上游球隊，連勝證明領隊安拿利功力十足，比賽節奏控制至為關鍵，皆因十連勝中的八連勝都僅贏一球，在密集賽程下，以慢節奏取得小勝相當重要。不過亦有球員及時提升狀態，中場M羅渣士連續兩場梅開二度，擺脫季初頹勢。門將E馬天尼斯亦及時復出，上場撲出曼聯的幾次黃金機會。但其他球員的表現較浮沉，連勝走勢未必能維持。
車路士近日有主力復出，彭馬經過適應期後，近三場聯賽重返正選，對愛華頓打破入球荒。防中卡斯度完成三場停賽，令球隊重現奪得世冠盃的陣容。上仗對紐卡素先落後再追和，占士客串防中的試驗可暫時結束。今夏三名新兵亦逐漸融入，加拿祖在聯賽盃獨取兩球，山度士失誤大減，基頓斯日前亦有助攻，令車仔後備戰力提升。儘管車仔落後太多爭冠無望，但主場撼維拉仍有戰鬥本錢。主場曾擊敗巴塞，十人迫和阿仙奴，預期將與維拉有惡鬥，憑主場優勢可稍睇好車路士小勝。
足球評述員微灝