狀態戰意都贏晒
今晚亞冠二16強首回合「韓日大戰」，韓職球隊浦項制鐵主場出擊，硬撼日職勁旅大阪飛腳。浦項制鐵國內聯賽未開咧，狀態點都爭啲，而且遇強即屈，大阪飛腳今屆亞冠二並冇揸流灘，以其亞冠二6連勝之勢，今場有力先拔頭籌，讓球盤飛腳讓平半，上盤有計。
（HOY TV 76台周四晚6時直播）文:法達斯維
由於韓職要今個月尾先至開咧，浦項制鐵喺出戰今仗之前，係冇打任何正式賽事，只靠「拍跳」好難真正操起狀態。浦項制鐵喺今屆亞冠二H組，6戰獲4勝1和僅1敗，睇落唔差，但都只係得次名，正因兩循環對淡濱尼流浪僅獲1和1負，就將首名拱手讓人，似乎對住實力強少少嘅球隊，總係腳仔軟。
浦項制鐵遇強即屈
雖然日職為咗接軌歐洲聯賽時間表，喺本月至6月搞咗個「日職百年構想聯賽」用嚟過渡半年嘅聯賽，但點都係開咗咧，大阪飛腳日前就喺首輪與大阪櫻花法定時間打和，並且藉互射12碼贏波，狀態比浦項制鐵更有保證。何況大阪飛腳非常重視亞冠二，今屆喺F組6戰贏晒狂轟16粒，戰意唔使懷疑，就算作客亦唔赦浦項制鐵，上盤值得捧場。
今晚亞冠二16強首回合「韓日大戰」，韓職球隊浦項制鐵主場出擊，硬撼日職勁旅大阪飛腳。浦項制鐵國內聯賽未開咧，狀態點都爭啲，而且遇強即屈，大阪飛腳今屆亞冠二並冇揸流灘，以其亞冠二6連勝之勢，今場有力先拔頭籌，讓球盤飛腳讓平半，上盤有計。
（HOY TV 76台周四晚6時直播）文:法達斯維
由於韓職要今個月尾先至開咧，浦項制鐵喺出戰今仗之前，係冇打任何正式賽事，只靠「拍跳」好難真正操起狀態。浦項制鐵喺今屆亞冠二H組，6戰獲4勝1和僅1敗，睇落唔差，但都只係得次名，正因兩循環對淡濱尼流浪僅獲1和1負，就將首名拱手讓人，似乎對住實力強少少嘅球隊，總係腳仔軟。
浦項制鐵遇強即屈
雖然日職為咗接軌歐洲聯賽時間表，喺本月至6月搞咗個「日職百年構想聯賽」用嚟過渡半年嘅聯賽，但點都係開咗咧，大阪飛腳日前就喺首輪與大阪櫻花法定時間打和，並且藉互射12碼贏波，狀態比浦項制鐵更有保證。何況大阪飛腳非常重視亞冠二，今屆喺F組6戰贏晒狂轟16粒，戰意唔使懷疑，就算作客亦唔赦浦項制鐵，上盤值得捧場。