澳職：惡客噴射機狂轟阿瑟_東方日報

爭取成為常規賽冠軍嘅紐卡素噴射機，喺今日澳職將會作客FC麥克阿瑟搶分。噴射機今季入波能力係澳職最強，而且近9場作客獲8勝1和，嚟到常規賽最後4場，肯定唔會放軟手腳，小讓平半，上盤可取。

（無綫82台周四下午4時35分直播）文:渡邊年

麥克阿瑟防線唔掂
FC麥克阿瑟近5場聯賽只得1勝4負，主要係後防唔掂，22場聯賽失36球，係澳職失球第2多球隊，撞正今季多點開花嘅噴射機，相信都頂唔住。

紐卡素噴射機中前場表現勇猛，拉治蘭路斯、艾利阿當斯及基頓泰萊等人輪流發威，球隊即使作客仍能發揮高水準，近9場8勝1和，常規賽只剩下4輪，球隊只要正常發揮，好大機會繼舊年贏得澳洲盃後，再贏一個錦標，今場肯定唔會放軟手腳，球迷可以放心捧場。