歐協聯：斯特拉斯堡夠韌受讓筍_東方日報

歐協聯4強首回合大戰，西甲球隊華歷簡奴迎戰法甲嘅斯特拉斯堡。華歷簡奴踢法硬淨但缺乏搶攻本錢，想爭入歐洲賽決賽未夠火候；反而斯特拉斯堡已放棄聯賽，疊埋心水搶歐協聯冠軍，今場受讓平半抵玩，下盤捧得過。

（周五凌晨3時開賽）

華歷簡奴近況飄忽
斯特拉斯堡整體實力唔曳，英格蘭教頭加利奧尼爾接掌帥位後，執教21場賽事只係輸過5場，球隊韌力非常充足。連埋淘汰賽在內今屆5場作客4勝1負。今場作客貫徹穩打穩紥作風，有力立不敗之地。

華歷簡奴排西甲中下游，近期表現頗為飄忽，近4場比賽只贏過1場，而且喺8強同埋4強賽事，兩回合比賽都係1勝1負下驚險晉級，表現冇太大說服力。最慘係球隊進攻核心艾華路加西亞受傷缺陣，缺乏搶攻本錢，實在讓唔起對手，斯特拉斯堡下盤信得過。