沙特職：伊蒂哈德搶韁半大收科_星島日報

沙特職焦點之戰，伊蒂哈德主場對艾科魯特。球星如雲嘅伊蒂哈德仍有望爭奪下屆亞冠精英盃附加賽資格，預計力爭盡快入波奠定勝局。下游球隊艾科魯特防線弱不禁風，恐怕無力招架，隨時迅速失守，睇番艾科魯特近9場聯賽上半場總入球全開2球或以上，一於再追中位數1.5球嘅半場大。（on.cc東網周二凌晨2時直播）文:Mic少

沙特職前3位可直入下屆亞冠精英盃「聯賽階段」，第4及5位需要踢附加賽，第6位伊蒂哈德上場擊敗第5位艾塔亞文，僅落後對方1分，兼踢少1場，有望反超前打入前5位。事實上，伊蒂哈德陣容強大，由葡萄牙名帥沙治奧干斯卡奧執教，並擁有荷蘭前鋒貝雲積、巴西中場法賓奴泰華利斯等球星，只要發揮正常水平，勝算相當高。睇番伊蒂哈德近6次聯賽主場出擊，取得5勝1負，其中4次上半場有波入，今場半大機會十分高。

艾費哈守強攻弱捱細界
另邊廂，艾科魯特近2場取得1勝1和，降班壓力已大為紓緩，即使整體實力比較弱，但踢法傾向進取，往往一開波就同對手鬥攻，就算遇上勁旅，都唔會死守，結果早前作客第2位希拉爾，大敗0比6，上半場失4球。不過，艾科魯特入波數字亦唔少，近8場沙特職有7場上半場取得入球，表現夠晒搶韁，勢必對伊蒂哈德防線構成重大威脅。

至於較早開波嘅艾費哈主場迎戰艾利雅德，擁有前曼聯後衞基斯史摩寧助陣嘅艾費哈，踢法守強攻弱，近5場總入球全開2球或以下，護級分子艾利雅德遭遇2連敗，恐怕亦惡唔出樣，首選中位數2.5球嘅入球細。（周二凌晨零時10分開賽）