沙特職：吉達艾阿里大盤有辦法_東方日報

今晚沙特職直播戲碼，上月成功衞冕亞冠盃嘅吉達艾阿里，主場鬥中下游分子艾法特。吉達艾阿里上場半力出擊照大炒，今仗有射手艾雲東尼回歸，為搶金靴獎必冇留手，3.5球入球大相當好路。（on.cc東網周四凌晨2時直播）文:工廠仔

全隊幫艾雲東尼爭金靴
吉達艾阿里依家排第3位，爭冠機會好微，而佢哋拎到亞冠盃冠軍後，已經鎖定下屆參賽資格，所以最後4輪賽事可以輕鬆上陣，最大目標可能係幫艾雲東尼爭金靴獎。艾雲東尼上場停賽，畀艾卡迪沙嘅祖利安基洛尼斯（29球）拋開2球，今場猛虎出柙肯定盡搶。睇番吉達艾阿里主場火力驚人，近4場聯賽主場狂轟14球，當中3場總入球開4球或以上，上場休息嘅馬列斯預料會復出，入波有一定保證。

艾法特排喺中下游，唔愁降班亦冇嘢好爭，放開嚟踢可能有驚喜。佢哋近4場作客比賽雖然未贏過，但都入到6球，進攻核心穆拉特巴拿近狀唔錯，有力對吉達艾阿里防線造成威脅，入球大屬穩陣之選。