英超護級關鍵戰，排尾3嘅韋斯咸作客紐卡素，佢哋依家落後熱刺2分，最後2輪唔可以有任何差池，否則會自2011年後首次降落英冠。韋斯咸今場1分都唔收貨，盡地一煲同紐卡素鬥攻；「喜鵲」主場有前冇後，今仗駁火味濃，捧1.5球半場大好路。（Now 621周一凌晨0時30分直播）文:工廠仔
韋斯咸喺下半季成績有改善，但最近連續輸畀賓福特同阿仙奴，已經畀熱刺爬過頭，今場到訪聖占士公園球場，只有攞晒3分呢條路可行。韋斯咸上場同阿仙奴奮戰，製造到唔少入肉埋門，森馬維、哥林威爾遜、查洛保雲等攻擊球員都好有威脅，入球能力唔會太差。
紐卡素氹球迷鬥攻
「錘仔幫」依家仍然落後熱刺2分，如果今場贏唔到，護級就幾乎宣告玩完，依家被逼埋牆角，今場會用無比戰意搶攻，值得期待。事實上，韋斯咸近年作客紐卡素，踢法都非常搶韁，近6季英超到訪聖占士公園球場，有5次半場總入球開2球或以上。
位列中游嘅紐卡素依家高不成、低不就，今場純為面子而戰，可以大踢風流波，而且今仗係「喜鵲」今季主場謝幕戰，相信都會盡力爭取入球娛樂球迷。紐卡素防守力薄弱，但進攻能力唔曳，踢法可以話係有前冇後，最近21場賽事入面，有19場都係有入波兼有失波，今仗面對韋斯咸狂攻，鬥攻格局走唔甩，撐半場大最啱心水。
韋斯咸喺下半季成績有改善，但最近連續輸畀賓福特同阿仙奴，已經畀熱刺爬過頭，今場到訪聖占士公園球場，只有攞晒3分呢條路可行。韋斯咸上場同阿仙奴奮戰，製造到唔少入肉埋門，森馬維、哥林威爾遜、查洛保雲等攻擊球員都好有威脅，入球能力唔會太差。
紐卡素氹球迷鬥攻
「錘仔幫」依家仍然落後熱刺2分，如果今場贏唔到，護級就幾乎宣告玩完，依家被逼埋牆角，今場會用無比戰意搶攻，值得期待。事實上，韋斯咸近年作客紐卡素，踢法都非常搶韁，近6季英超到訪聖占士公園球場，有5次半場總入球開2球或以上。
位列中游嘅紐卡素依家高不成、低不就，今場純為面子而戰，可以大踢風流波，而且今仗係「喜鵲」今季主場謝幕戰，相信都會盡力爭取入球娛樂球迷。紐卡素防守力薄弱，但進攻能力唔曳，踢法可以話係有前冇後，最近21場賽事入面，有19場都係有入波兼有失波，今仗面對韋斯咸狂攻，鬥攻格局走唔甩，撐半場大最啱心水。