沙特職今晚煞科兩場爭標大戰，榜首艾納斯只要主場擊敗達馬克FC，就可以登上王寶座，巨星C朗為求打破中東生涯正式賽事錦標荒，必定使出渾身解數爭勝。另一場第2位希拉爾繼續咬住唔放，作客強攻艾費哈搶分，博艾納斯失分，後上衝冠。文:法達斯維、Mic少
穩中求勝 艾納斯細盤夠達標
今晚沙職煞科爭標關鍵戰，艾納斯主場硬撼達馬克FC。雖然兩軍排名一天一地，但艾納斯近期接連不勝，難免打擊信心，王牌C朗要打破加盟後未嘗嘅正式賽事捧盃嘅悶局，今仗一定穩中求勝，加上近年碰頭旺少交收，寧捧3.5球入球細。（on.cc東網周五凌晨2時直播）
論實力艾納斯梗係贏十條街喇，主W得1.06倍就係明證，但可能嚟到季尾壓力愈來愈大，表現有啲反常，各項賽事近4場僅1勝，除咗上輪聯賽對希拉爾領先下，「臨尾香」遭逼和1比1，冇得提早封王外，日前亞冠二決賽既有地利兼佔盡上風下，竟然輸畀大阪飛腳，完場後C朗嬲到直入更衣室，拒絕拎亞軍獎牌。
艾納斯當年力邀C朗，梗係想盡攬所有冠軍，不過現實殘酷，呢位老將加盟3年半以來，錯失14次正式賽事捧盃機會，包括4場決賽輸波，都咪話唔邪。現時位居榜首嘅艾納斯，領先次席希拉爾2分，今仗只要贏波就肯定封王，既然袋晒3分就得，不妨學吓阿仙奴咁悶悶哋贏，因為若果唔好彩和波，而希拉爾擊敗艾費哈，便會追到同分，由於沙特職同分先計對賽，希拉爾今季兩鬥艾納斯獲1勝1和，就可以後上奪冠，因此艾納斯不能太過老定。
達馬克遇強搏老命死守
另邊廂，達馬克FC排喺尾4，領先降班區尾3嘅艾利雅德2分，仲未上岸，就算同艾納斯實力差天共地，都一樣會搏老命，佢哋近7仗全開3球或以下，遇強一定玩死守。翻查紀錄，雙方近8次正面交鋒，亦有7次開3球或以下，預計今仗會踢得緊湊，捧3.5球入球細更上算。
形勢被動希拉爾「客客」去盡
沙特職希拉爾作客艾費哈，次席希拉爾落後「一哥」艾納斯2分，除咗必須自己贏波之外，仲要寄望艾納斯失分，先至可以奪得冠軍，形勢比較被動。不過，希拉爾始終係傳統勁旅，相信仍然會全力以赴爭勝等運到，加上雙方近3次交鋒，希拉爾都係上半場領先並贏到尾，不妨再博半全場「客客」。（on.cc東網周五凌晨2時直播）
艾費哈等放假戰意成疑
希拉爾季尾走勢凌厲，各項賽事近6場取得5勝1和，當中和波正係補時8分鐘逼和艾納斯1比1，力保最後爭標希望，可見球隊「命不該絕」，運氣相當唔錯，經此一役，有助保持爭標信心同士氣。希拉爾上場聯賽以2比0擊敗尼奧姆SC，主帥施蒙尼恩沙基收起星級射手賓施馬，似乎想畀呢位老將有充裕時間休息，留力今場搏殺，預料一開波就會採取主動，力爭盡快入波領先，以免夜長夢多。
至於艾費哈排中游位置，既無緣爭逐下屆亞洲賽入場券，亦冇護級壓力，今仗對佢哋而言只屬例行公事，戰意成疑。事實上，艾費哈球員近期開始呈現抖暑心態，顯得毫無鬥心，包括上場開賽16分鐘就失守，最終以0比3大敗護級球隊達馬克FC腳下，遭遇2連敗，並且都係上半場已經落後，遇上實力強勁嘅希拉爾，恐怕上半場就招架唔住，應會由頭輸到尾。
穩中求勝 艾納斯細盤夠達標
今晚沙職煞科爭標關鍵戰，艾納斯主場硬撼達馬克FC。雖然兩軍排名一天一地，但艾納斯近期接連不勝，難免打擊信心，王牌C朗要打破加盟後未嘗嘅正式賽事捧盃嘅悶局，今仗一定穩中求勝，加上近年碰頭旺少交收，寧捧3.5球入球細。（on.cc東網周五凌晨2時直播）
論實力艾納斯梗係贏十條街喇，主W得1.06倍就係明證，但可能嚟到季尾壓力愈來愈大，表現有啲反常，各項賽事近4場僅1勝，除咗上輪聯賽對希拉爾領先下，「臨尾香」遭逼和1比1，冇得提早封王外，日前亞冠二決賽既有地利兼佔盡上風下，竟然輸畀大阪飛腳，完場後C朗嬲到直入更衣室，拒絕拎亞軍獎牌。
艾納斯當年力邀C朗，梗係想盡攬所有冠軍，不過現實殘酷，呢位老將加盟3年半以來，錯失14次正式賽事捧盃機會，包括4場決賽輸波，都咪話唔邪。現時位居榜首嘅艾納斯，領先次席希拉爾2分，今仗只要贏波就肯定封王，既然袋晒3分就得，不妨學吓阿仙奴咁悶悶哋贏，因為若果唔好彩和波，而希拉爾擊敗艾費哈，便會追到同分，由於沙特職同分先計對賽，希拉爾今季兩鬥艾納斯獲1勝1和，就可以後上奪冠，因此艾納斯不能太過老定。
達馬克遇強搏老命死守
另邊廂，達馬克FC排喺尾4，領先降班區尾3嘅艾利雅德2分，仲未上岸，就算同艾納斯實力差天共地，都一樣會搏老命，佢哋近7仗全開3球或以下，遇強一定玩死守。翻查紀錄，雙方近8次正面交鋒，亦有7次開3球或以下，預計今仗會踢得緊湊，捧3.5球入球細更上算。
形勢被動希拉爾「客客」去盡
沙特職希拉爾作客艾費哈，次席希拉爾落後「一哥」艾納斯2分，除咗必須自己贏波之外，仲要寄望艾納斯失分，先至可以奪得冠軍，形勢比較被動。不過，希拉爾始終係傳統勁旅，相信仍然會全力以赴爭勝等運到，加上雙方近3次交鋒，希拉爾都係上半場領先並贏到尾，不妨再博半全場「客客」。（on.cc東網周五凌晨2時直播）
艾費哈等放假戰意成疑
希拉爾季尾走勢凌厲，各項賽事近6場取得5勝1和，當中和波正係補時8分鐘逼和艾納斯1比1，力保最後爭標希望，可見球隊「命不該絕」，運氣相當唔錯，經此一役，有助保持爭標信心同士氣。希拉爾上場聯賽以2比0擊敗尼奧姆SC，主帥施蒙尼恩沙基收起星級射手賓施馬，似乎想畀呢位老將有充裕時間休息，留力今場搏殺，預料一開波就會採取主動，力爭盡快入波領先，以免夜長夢多。
至於艾費哈排中游位置，既無緣爭逐下屆亞洲賽入場券，亦冇護級壓力，今仗對佢哋而言只屬例行公事，戰意成疑。事實上，艾費哈球員近期開始呈現抖暑心態，顯得毫無鬥心，包括上場開賽16分鐘就失守，最終以0比3大敗護級球隊達馬克FC腳下，遭遇2連敗，並且都係上半場已經落後，遇上實力強勁嘅希拉爾，恐怕上半場就招架唔住，應會由頭輸到尾。