萬眾矚目嘅歐聯決賽，將喺中立場匈牙利首都布達佩斯舉行，法甲冠軍巴黎聖日耳門（PSG）對英超王者阿仙奴，肩負衞冕重任嘅PSG保持強勢，並且係「英超殺手」，近8次歐聯對英超球隊，取得7勝1和，應可剋制兵工廠。反觀阿仙奴從未捧過歐聯，加上相隔20年先至再入決賽，隨時會怯場，信心方面比較輸蝕，巴黎聖日耳門主勝更值博。（Now 638周日凌晨零時直播）文:MIC少
兩隊都屬於頂級勁旅，但巴黎聖日耳門佔有較多優勢，首先法甲只有34輪聯賽，比英超少4輪，加上本土缺少強勁對手，PSG全季賽程比較輕鬆，並喺5月14日已提早捧法甲冠軍，換言之有半個月時間專注備戰歐聯決賽，球員養精蓄銳，有助發揮最佳水準。
大巴黎係「英超殺手」
最關鍵嘅，係PSG堪稱英超球隊剋星，上屆歐聯奪冠過程中，由16強至4強分別淘汰利物浦、阿士東維拉、阿仙奴，當中包括兩回合「雙殺」兵工廠，踢法完全食住晒一眾英超球隊，今次重遇呢支手下敗將，心理上肯定佔上風。
阿仙奴經驗輸晒
另邊廂，阿仙奴爭奪英超過程明顯激烈好多，同埋今季經常遭遇傷兵問題，有一段時間出現兵源緊張，令一班主力耗力甚大，踏入季尾難免出現疲態。事實上，兵工廠即使近5場比賽全勝，但當中有3場僅贏1比0，缺乏霸氣。此外，阿仙奴剛於上周中重奪失落22年嘅英超冠軍，完成一項艱巨歷史性任務之後，球員心態上可能會出現鬆懈，爭標決心唔及PSG。
值得留意，今屆只係兵工廠史上第2次打入歐聯決賽，對上1次已經係2006年不敵巴塞隆拿。相比之下，PSG近7年第3次入決賽，經驗明顯佔優，大戰關頭可以發揮重要作用。
兩隊都屬於頂級勁旅，但巴黎聖日耳門佔有較多優勢，首先法甲只有34輪聯賽，比英超少4輪，加上本土缺少強勁對手，PSG全季賽程比較輕鬆，並喺5月14日已提早捧法甲冠軍，換言之有半個月時間專注備戰歐聯決賽，球員養精蓄銳，有助發揮最佳水準。
大巴黎係「英超殺手」
最關鍵嘅，係PSG堪稱英超球隊剋星，上屆歐聯奪冠過程中，由16強至4強分別淘汰利物浦、阿士東維拉、阿仙奴，當中包括兩回合「雙殺」兵工廠，踢法完全食住晒一眾英超球隊，今次重遇呢支手下敗將，心理上肯定佔上風。
阿仙奴經驗輸晒
另邊廂，阿仙奴爭奪英超過程明顯激烈好多，同埋今季經常遭遇傷兵問題，有一段時間出現兵源緊張，令一班主力耗力甚大，踏入季尾難免出現疲態。事實上，兵工廠即使近5場比賽全勝，但當中有3場僅贏1比0，缺乏霸氣。此外，阿仙奴剛於上周中重奪失落22年嘅英超冠軍，完成一項艱巨歷史性任務之後，球員心態上可能會出現鬆懈，爭標決心唔及PSG。
值得留意，今屆只係兵工廠史上第2次打入歐聯決賽，對上1次已經係2006年不敵巴塞隆拿。相比之下，PSG近7年第3次入決賽，經驗明顯佔優，大戰關頭可以發揮重要作用。