世盃D組最後一輪爆發出線生死戰，巴拉圭硬撼澳洲。兩隊賽前同樣手握3分，不過巴拉圭有米基爾阿米朗停賽，攻力進一步受削，相反「袋鼠兵團」今場唔輸都可以次名晉級，踢得保守啲亦無妨，受讓梗係撐讓球客勝（+1）。
（Now 617、619及馬會指定場外投注處周五早上10時直播）文:臻贏特
主辦國美國賽前兩戰全勝，篤定首名出線，而兩戰全敗嘅土耳其就已經提早出局，次名屬於澳洲同巴拉圭之爭。巴拉圭上場10人應戰之下，以1球險勝土耳其，打開勝利之門；不過球隊其實成場捱打，比對手全場一共攻門32次，唔使失波只係欠運，贏得未具太大說服力。
阿米朗停賽入波更困難
進攻方面，巴拉圭亦未見太過銳利，前線只係單靠前白禮頓新星祖利奧安斯素孭飛。上場對住土耳其，收起東尼沙拿比亞，改用身形健碩嘅伊斯度比達，但除咗馬迪亞斯加拉薩開賽64秒入嗰球遠射，具威脅埋門寥寥可數，比達更加踢咗半場就被換走；今場仲要有翼鋒米基爾阿米朗停賽，要爭取入波更加困難。
相反澳洲踢法穩打穩紮，即使上場兩球不敵美國，但好大原因係畀初段烏龍球打亂部署，陣中擁有哈利修達等「高佬」，面對住身形相當矮小嘅巴拉圭，相信死球都會攞到唔少甜頭。睇番澳洲跨屆近4場世盃分組賽錄得3勝1負，從形勢上嚟講，若果今仗和波各得1分，澳洲固然獲次名出線，而巴拉圭亦同樣累積4分，對爭最佳第3名亦有利，「袋鼠兵團」受讓必捧讓球客勝（+1），假如有信心可直取和波。
（Now 617、619及馬會指定場外投注處周五早上10時直播）文:臻贏特
主辦國美國賽前兩戰全勝，篤定首名出線，而兩戰全敗嘅土耳其就已經提早出局，次名屬於澳洲同巴拉圭之爭。巴拉圭上場10人應戰之下，以1球險勝土耳其，打開勝利之門；不過球隊其實成場捱打，比對手全場一共攻門32次，唔使失波只係欠運，贏得未具太大說服力。
阿米朗停賽入波更困難
進攻方面，巴拉圭亦未見太過銳利，前線只係單靠前白禮頓新星祖利奧安斯素孭飛。上場對住土耳其，收起東尼沙拿比亞，改用身形健碩嘅伊斯度比達，但除咗馬迪亞斯加拉薩開賽64秒入嗰球遠射，具威脅埋門寥寥可數，比達更加踢咗半場就被換走；今場仲要有翼鋒米基爾阿米朗停賽，要爭取入波更加困難。
相反澳洲踢法穩打穩紮，即使上場兩球不敵美國，但好大原因係畀初段烏龍球打亂部署，陣中擁有哈利修達等「高佬」，面對住身形相當矮小嘅巴拉圭，相信死球都會攞到唔少甜頭。睇番澳洲跨屆近4場世盃分組賽錄得3勝1負，從形勢上嚟講，若果今仗和波各得1分，澳洲固然獲次名出線，而巴拉圭亦同樣累積4分，對爭最佳第3名亦有利，「袋鼠兵團」受讓必捧讓球客勝（+1），假如有信心可直取和波。