全新日職正式開鑼，日職由今屆開始改踢跨年制接軌歐洲，揭幕戰將會上演重頭戲，由橫濱水手硬撼衞冕嘅鹿島鹿角。近年戰績嚴重跌Watt嘅橫濱水手今夏再度換帥，搞到內部立立亂，加上今場喺國立競技場舉行，佢哋並無主場優勢，不宜高估；鹿島鹿角喺鬼木達執教下重現勁旅本色，係今季擂台躉，客勝睇高一線。
（無綫MyTV Super周五下午6時25分直播）文:邪神
橫濱水手近年成績急速跌Watt，上季日職排第15，年初嘅百年構想聯賽僅排東區第7，原監督大島秀夫被炒，上月宣布由53歲澳洲教頭哥列卡接手，哥列卡球員時代踢過李斯特城同狼隊，又教過FC悉尼同奧克蘭FC，不過水手近年換帥已成常態，近兩年換咗5個教練，內部管理非常混亂，依家新帥上任，球員會否聽佢支笛屬未知之數，加上中場大將渡邊皓太離隊，今季前景唔太樂觀。
今夏增兵3猛將來投
鹿島鹿角係上季日職盟主，亦係年初百年構想聯賽東區冠軍，可惜總決賽輸畀神戶勝利船未能捧盃，佢哋近5仗4勝1負，仍然可靠；主帥鬼木達帶領川崎前鋒登頂之後，上季重返母會鹿島鹿角即協助球隊重奪日職冠軍，鹿角今夏繼續增兵，簽入巴西翼鋒甄馬特斯、中場馬菲斯般奴，同埋邊路球員廣瀨陸斗，戰鬥力大大提升，今仗旗開得勝輕而易舉。
（無綫MyTV Super周五下午6時25分直播）文:邪神
橫濱水手近年成績急速跌Watt，上季日職排第15，年初嘅百年構想聯賽僅排東區第7，原監督大島秀夫被炒，上月宣布由53歲澳洲教頭哥列卡接手，哥列卡球員時代踢過李斯特城同狼隊，又教過FC悉尼同奧克蘭FC，不過水手近年換帥已成常態，近兩年換咗5個教練，內部管理非常混亂，依家新帥上任，球員會否聽佢支笛屬未知之數，加上中場大將渡邊皓太離隊，今季前景唔太樂觀。
今夏增兵3猛將來投
鹿島鹿角係上季日職盟主，亦係年初百年構想聯賽東區冠軍，可惜總決賽輸畀神戶勝利船未能捧盃，佢哋近5仗4勝1負，仍然可靠；主帥鬼木達帶領川崎前鋒登頂之後，上季重返母會鹿島鹿角即協助球隊重奪日職冠軍，鹿角今夏繼續增兵，簽入巴西翼鋒甄馬特斯、中場馬菲斯般奴，同埋邊路球員廣瀨陸斗，戰鬥力大大提升，今仗旗開得勝輕而易舉。