馬德里體育會將於今晚首輪西甲主場迎戰新升班球隊馬拉加，論整體實力無疑係馬體會佔優，但射手祖利安艾華利斯去留問題懸而未決，上陣成疑之下，難免削弱攻力。馬拉加深知實力不及對手，應會加強防守，翻查雙方近6次對賽有5次總入球開2球或以下，寧願博2.5球入球細。文:Mic少
（Now 632周四凌晨3時直播）
馬體會近期熱身賽表現欠佳，包括不敵曼聯同曼城，最令教練施蒙尼頭痛問題係「蜘蛛仔」艾華利斯會否留隊，仍屬未知之數。呢位阿根廷國腳喺世盃舉行期間已暗示想轉會，希望加盟巴塞隆拿，但會方拒絕放人。三方一直角力之中，日前更傳出艾華利斯想「罷踢」，可能已無心戀戰。
此外，艾華利斯踢完世盃決賽後，需要放假休息，冇份參加季前熱身賽，就算今場披甲，恐怕狀態亦不足。另一位前鋒阿歷山大索洛夫日前操練時受傷，未能披甲，兩位進攻球員基沙文、泰亞高艾美達已離隊，馬體會季初鋒力肯定大打折扣。
馬拉加泊大巴博1分
至於馬拉加2018年降班之後，今季終於重返西甲，由於球會財力有限，難以簽入具質素新兵，主要以上季班底應戰，實在無力發圍。球隊應該會以護級為目標，遇上傳統勁旅馬體會，勢必「泊大巴」死守，只要拎到1分已算達標，預料屆時會呈現攻防戰，入波唔會多。
（Now 632周四凌晨3時直播）
馬體會近期熱身賽表現欠佳，包括不敵曼聯同曼城，最令教練施蒙尼頭痛問題係「蜘蛛仔」艾華利斯會否留隊，仍屬未知之數。呢位阿根廷國腳喺世盃舉行期間已暗示想轉會，希望加盟巴塞隆拿，但會方拒絕放人。三方一直角力之中，日前更傳出艾華利斯想「罷踢」，可能已無心戀戰。
此外，艾華利斯踢完世盃決賽後，需要放假休息，冇份參加季前熱身賽，就算今場披甲，恐怕狀態亦不足。另一位前鋒阿歷山大索洛夫日前操練時受傷，未能披甲，兩位進攻球員基沙文、泰亞高艾美達已離隊，馬體會季初鋒力肯定大打折扣。
馬拉加泊大巴博1分
至於馬拉加2018年降班之後，今季終於重返西甲，由於球會財力有限，難以簽入具質素新兵，主要以上季班底應戰，實在無力發圍。球隊應該會以護級為目標，遇上傳統勁旅馬體會，勢必「泊大巴」死守，只要拎到1分已算達標，預料屆時會呈現攻防戰，入波唔會多。