专家拆局：伊巴劲弗A米大盘屈基

今晚欧霸盃上演一场过第3圈外围赛，意甲劲旅AC米兰主场对挪超代表波杜基林特。A米神锋伊巴谦莫域近2场怒轰3粒，弗到爆厂；波杜基林特7连胜唔係善男信女，近6场有5次总入球开4球或以上，直取中位数3.5球大盘。

AC米兰上圈欧霸盃以2比0击败沙姆洛克流浪，伊巴为球队先开纪录。呢位即将39岁嘅射手上场意甲首战梅开二度，赛后仲话如果后生几年，入4球都唔成问题，够晒霸气。除伊巴外，列比锡及查汉奴古都属进攻能手，趁主场出击，势必攻到对手气咳。

挪超1哥波杜基林特近况弗到漏油，联赛16胜2和领先次席莫迪16分，非常夸张，佢哋踢法充满进攻意欲，近6仗全胜之馀，5次总入球开4球或以上，火力充沛唔赦A米，今场大盘走唔甩。