专家拆局：车仔副选质优客Ｗ稳

车仔副选质优客Ｗ稳

赛程紧密嘅热刺，踢完周日联赛2日后又要出战英联盃，16强主场遇车路士踢伦敦打吡。今场预料双方领队都会收起大部分主力，如果计后备力量，车路士实力远胜热刺，而且近4次交手都赢晒，有力反客为主，客胜好路。

热刺同车路士联赛都係和波收场，不过热刺领先1球被纽卡素追和，车路士就落后3球追和西布朗3比3，士气大大不同。最大问题係，热刺赛程非常紧逼，星期日踢完隔2日就到呢场，到星期四又要喺欧霸附加赛主场斗海法马卡比，真係人都癫。

领队摩连奴都相当头痛，孙兴民上场因伤退下火线，佢一早预料到咁嘅赛程必定会有疲劳过度嘅伤兵问题，今场肯定会出大量二线兵，包括赫特、艾达韦列特、尼当比利都会正选上阵，利古朗亦有机会处子登场。

近4次交手车仔赢晒

车路士预料亦会派副选及新球员上阵，包括新加盟嘅门将艾度亚文迪、芝维尔，中场巴克里及赫臣奥杜尔，再加埋老将基奥特，呢班战将平均实力比热刺更好，以波论波应该係车仔高啲，再加上佢哋近4次对热刺赢晒，估计车路士可以90分钟内就搞掂，客W咪走宝。