专家拆局:狼队顶到列斯联
狼队顶到列斯联
擅打突击食住「狂人战术」
今晚英超压轴尾场,列斯联主场硬撼狼队。列斯联事隔16年重返英超,喺「狂人」比尔沙带领下,表现令人眼前一亮,不过过于进取嘅打法,难免令防线漏洞曝光,反而益晒擅打稳守突击嘅狼队,受让必捧让球客胜。
「狂人」教头比尔沙一向进攻大过天,唔单止首轮对利物浦仅输3比4之役,逼到红军有气冇碇抖,上仗联赛打和曼城1比1,成班波好似有用唔完嘅体力,製造大量攻门,因此唔係列斯联抢分成功,而係「蓝月亮」几经辛苦先保住1分,连同之前连赢富咸同锡菲联,站稳中游绝不失礼。
列斯联失球率偏高牙烟
老实讲,列斯联嘅进攻打法係好睇,不过全队谷得太前,令防线漏洞百出,今季联赛入咗9粒,但失番8球,连输畀佢哋嘅富咸都执到3粒,主力中坚李安谷巴今仗亦因伤倦勤,后防都咪话唔牙烟。
狼队开季联赛2胜2负,但除咗惨吞韦斯咸4蛋表现失常外,其馀几场都表现对办。最重要係主帅纽奴带领下,狼队坚持稳守突击嘅打法,尽量缩后巩固防线,然后利用快翼艾达马查奥尔打反击,箭头鲁尔占美尼斯今季已有2球进帐,保持射手本色,造访全军压上嘅列斯联,大把空位打快攻。加上双方近3次正面交锋,狼队全部赢晒,其中2次更係作客添,格食格下唔赦列斯联,让球客胜值得捧场。
转载请注明【足球帝—提供专业足球资讯网站】,推荐下载【足球App】为世界杯贺彩!
相关阅读
无相关信息热门新闻
- 赛前预测:北雪平 VS AIK索尔纳
瑞超 北雪平VSAIK索尔纳 2020-10-27 02:00 地点:北雪平公园球场 天气
- 专家拆局:狼队顶到列斯联
- 专家拆局:李斯特城主场翻嗒维拉
- 专家拆局:热刺明恰韦斯咸
- 专家拆局:尼格度倒戈皇马献细
- 专家拆局:薛耶治亮相车路士大盘修成期
- 专家拆局:红魔访凶地恶唔出
- 专家拆局:无锋难起浪曼城半和秤仙
- 专家拆局:最激默郡打吡拖肥升呢抗红军
- 专家拆局:PSG追分数爆尼姆
最新评论