“鎚仔幫”追“月”

“鎚仔幫”追“月”

    有“鎚仔幫”之稱嘅韋斯咸在上半季成為列強剋星，幾支傳統勁旅撞埋都要中“鎚”。目前亦守住聯賽第六，更有機會爭上前四位置，一定博搶分。“鎚仔幚”爛打之餘，亦有技術一面，今仗話之你甚麽曼城富豪球會，一於缸瓦撼瓷器，照砌可也。

    曼城依然咬住阿仙奴與李斯特城只有一分之差，餘下比賽確不容有失。但今場踢作客，要攞足三分實在唔容易。始終“鎚仔幚”對住強隊嘅穩守踢法特別有一套，唔到你唔服。初盤曼城讓半球／一球，再捧韋斯咸追“月”成功，至少可保住不敗。

    “鎚仔幫”確係一支神經質球隊，對住同級波或實力較弱嘅球會反而表現失準，上場對紐卡素連勢都輸埋就係最佳例子。可能係信心過足，貪勝不知輸。但呢班波勝在正、副選，三線實力都一樣咁平均，對住實力較強球隊，穩中求勝反而發揮更出色，真真正正遇強越強。

    曼城近幾場踢得比較飄忽，最大原因賽程實在太頻密。今仗係三周內第六場比賽，加上作客兼體能稍遜，曼城經已輸蝕。

    推介：和波1:1